analyticstracking Dooringtalkies | Daily Hot Celebrity News Gossips and Tamil Cinema Latest News
Facebook Popup Widget
தெலுங்கு சினிமாவில் சமந்தா களமிறங்குவதற்கு முன்பு வரை அனுஷ்கா, தமன்னா இருவரும் தான் அங்கு முன்னணி வகித்து வந்தனர். ஆனால், சமந்தா நடித்த சில படங்கள் தொடர்ச்சியாக வெற்றி பெற்றதால், முன்னணி ஹீரோக்களெல்லாம் அவர் பக்கம் சாய்ந்து விட்டனர்.

அதனால்தான், அனுஷ்கா, தமன்னா இருவருக்குமே அங்கு சரிவு ஏற்பட்டு, கோலிவுட்டில் தஞ்சமடைந்தனர். இருப்பினும், தற்போது தெலுங்கில் ராணி ருத்ரம்மா தேவி, பாகுபாலி என்ற இரண்டு மெகா சரித்திர படங்களை கைப்பற்றி தனக்கென ஒரு தனி இடத்தை பிடித்துள்ள அனுஷ்கா, ரசிகர்களுடன் பேஸ்புக் தொடர்பிலும் இருக்கிறார். அவ்வப்போது தன்னைப்பற்றிய சுவராஸ்ய செய்திகளை வெளியிட்டு வருகிறார்.

அந்த வகையில், 2007ம் ஆண்டில் இருந்து ரசிகர்களுடன் தொடர்பு கொண்டுள்ள அனுஷ்காவின் பேஸ்புக்கை இதுவரை 60 லட்சம் ரசிகர்கள் லைக் செய்துள்ளனர். ஆனால், 2011ம் ஆண்டில் இருநது பேஸ்புக் கணக்கு தொடங்கிய சமந்தாவுக்கோ மூன்றே ஆண்டுகளில் 58 லட்சம் ரசிகர்கள் லைக் செய்து தொடர்பில் உள்ளார்களாம்.

இதற்கு காரணம், தெலுங்கு சினிமாவில் ஒரு முறை மகேஷ்பாபுவின் படம் பற்றி சர்ச்சைக்குரிய கருத்தை சொன்னதோடு, மோடி பிரதமராவதற்கு முன்பே அவர் பிரதமராக வேண்டும் என்று வரவேற்று கருத்து தெரிவித்திருந்தார் சமந்தா.

இதுபோன்ற சில பரபரப்பான தகவல்களை அவர் வெளியிட்டு வந்ததால், அதிகப்படியான ரசிகர்களை கவர்ந்திழுத்து விட்டார். அதனால்தான் 7 ஆண்டுகளில் 60 லட்சம் லைக்குகளை அனுஷ்கா பெற்றுள்ள நிலையில், சமந்தாவோ 3 ஆண்டுகளிலேயே 58 லட்சம் லைக்குகளை பெற்று அவரை முந்திச்சென்று கொண்டிருக்கிறார்.

More Articles..
பார்த்திபன் பேச்சால் பரபரப்பு.. விஜய் ரசிகர்கள் கோபம்..

நடிகரும், இயக்குனருமான பார்த்திபன் தற்போது இயக்கிவரும் "கதை திரைக்கதை வசனம் இயக்கம்" படத்தின் இசை வெளியீடு நேற்று மாலை சென்னையில் நடைபெற்றது. அப்போது பார்த்திபன் செய்தியாளர்களுக்கு பேட்டியளித்தார்,அதில், நடிகர் விஜயுடன் "நண்பன்" படத்தில் சத்யராஜ் நடித்த வேடத்தில் நடிக்க முதலில் என்னைத்தான் நடிக்க கேட்டு கொண்டார் ஷங்கர். ஆனால் நான் இந்த படத்தில் நடிக்க ஒத்துக்கொள்ளவில்லை. அமிர்கான் மாதிரி சிறந்த நடிகர் நடித்த இந்த வேடத்தை விஜய் சரியாக நடிப்பாரா? என்று நினைத்தேன். படம் ஓடாது என்றும் நினைத்தேன், அதனால் அந்த படத்தில் நடிக்கவில்லை. நண்பன் படத்தில் விஜயை விட சூர்யா நடித்திருந்தால் நன்றாக இருந்திருக்கும் என்று சொல்லி விட,

விஷயம் சூடானது, இவருக்கு ஏன் இந்த வேலை என்று திரை உலகமே இவரை விமரிசிக்க தொடங்கியது. மேலும் இந்த பேட்டியால் விஜய் ரசிகர்கள் கோபம் அடைந்து கண்டனம் தெரிவித்தனர். ஆனால் தான் இயக்கிய படத்தை ஓடவைக்க பார்த்திபன் செய்யும் மலிவான விளம்பரம் என்றும் பேசிக்கொள்கிறார்கள்.

More Articles..
கியான் பிரகாஷ் என்ற இந்தி எழுத்தாளிரின் மும்பை பேபிள்ஸ் என்ற நாவலைத் தான் அனுராக் காஷ்யப்பின் பாம்பே வெல்வெட் என்ற தலைப்பில் தனது அடுத்த படமாக இயக்கி வருகிறார் பிளாக் பிரைடே, தேவ்டி, கேங்ஸ் ஆப் வசேபூர், என பாலிவுட்டில் தொடர்ந்து வெற்றிகளை குவித்த இவரின் இந்த படமும் பெரிய எதிர்பார்ப்பை ஏற்படுத்தி வருகிறது.

இந்த படத்தின் கதை 1950ம் ஆண்டுகளில் பாம்பே நகரம் எப்படி இருந்தது. பாம்பேக்கு வெளியூர்களில் இருந்து மக்கள் எப்படி வந்தார்கள், வாழ்ந்தார்கள் என்பதை சொல்லும் படம்.

64 ஆண்டுகளுக்கு முன்பு இருந்து பம்பாயை அப்படியே காட்ட வேண்டும் என்பதில் தீவிரமாக இருக்கிறார் அனுராக் காஷ்யப். பம்பாயில் 1950களில் ஓடிய கார்கள் இப்போது இல்லை.

ஆனால் இலங்கையில் ஓடிக் கொண்டிருக்கிறது . இதனால் சுமார் 200 கார்களை இலங்கையிலிருந்து தனி கப்பலில் வரவழைத்து படமாக்கி வருகிறார். இப்படி பல வேலைகள் இருப்பதால் படத்தின் பட்ஜெட் 90 கோடி ரூபாயாக நிர்ணயித்திருக்கிறார்கள். கியான் பிரகாஷ் என்ற இந்தி எழுத்தாளிரின் மும்பை பேபிள்ஸ் என்ற நாவலைத்தான் திரைக்கதையாக்கி இருக்கிறார் அனுராக் காஷ்யப், பழைய மும்பையில் தெருச் சண்டை காரனாக இருக்கும் ஜானி பால்ராஜ் குத்துச் சண்டை வீரனாகி எப்படி வாழ்க்கையில் உயர்கிறான்.

பம்பாய் அவனை எப்படி உயர்த்துகிறது என்பது கதை. ஜானியாக ரன்பீர் கபூரும், அவரது காதலி பாப் பாடகியாக அனுஷ்கா சர்மாவும் நடிக்கிறார்கள். இதனை பாக்ஸ் ஸ்டார் ஸ்டூடியோவும், பாண்டம் பிலிம்ஸ் நிறுவனமும் இணைந்து தயாரிக்கிறது.

More Articles..
இசைத்துறையில் ஏ.ஆர். ரகுமானின் 20 ஆண்டுகால பங்களிப்பை அங்கீகரிக்கும் விதமாக அமெரிக்காவின் புகழ்பெற்ற இசைப்பள்ளியான பெர்க்லீ, வரும் அக்டோபர் 24-ஆம் தேதி அவருக்கு கௌரவ டாக்டர் பட்டம் வழங்கவுள்ளது.

இதுகுறித்து ஏ.ஆர். ரகுமான் கூறுகையில், "இசை உலகில் மிகவும் புகழ்பெற்ற பெர்க்லீ இசைப்பள்ளி வழங்கும் விருதினைப் பெறுவதற்கு ஆர்வமாக உள்ளேன். மேலும் வருங்கால இசைக் கலைஞர்களை ஊக்குவிக்கும் விதமாக எனது பெயரில் உதவித் தொகை வழங்கவுள்ளதை நான் பெருமையாகக் கருதுகிறேன்' என்றார்.

பாஸ்டன் நகரில் நடைபெறும் இந்த பட்டமளிப்பு விழாவின்போது ஏ.ஆர். ரகுமானுக்கு மரியாதை செலுத்தும் விதமாக அவரது இசையமைப்பில் உருவான பாடல்கள் சிலவற்றை தேர்ந்தெடுத்து பெர்க்லீ இசைப் பள்ளியின் ஆசிரியர்கள் மற்றும் மாணவர்கள் நடத்தும் இசை நிகழ்ச்சி நடைபெறவுள்ளது. இந்த இசை நிகழ்ச்சியை ஏ.ஆர். ரகுமான் தலைமையேற்று நடத்தவுள்ளார்.

More Articles..
1916முதல் 1932வரை தென் இந்தியாவில் 108 மௌனபடங்கள் வெளியாகின. பெரும்பாலும் பக்திபுராண படங்களே அதிகம். மௌன பட காலத்தில் பிரபலமான நடிகர்கள் பாட்லிங் மணி, ஸ்டான்ட் ராஜூ, சர்கார் பாபு போன்றோர்.பெண்கள் நடிக்க வராத அந்நாளில் மரைன்ஹில் என்ற ஆங்கிலோ இந்திய பெண் நடித்து வந்தார். சினிமாவில் அவர் பெயர் லிலோச்சனா. அவருக்கு அப்போது நடிகர்களை விட அதிக சம்பளம். அப்போது சினிமா இடையே நாடகங்கள், இசை கச்சேரி, கூத்துக்களையும் நடத்துவர். ஆங்கில படங்களுக்கு இசை தட்டுகளை இசைத்தும் படம் காட்டுவர். சினிமா இடையே நாட்டியமாடிய நம்பியாரி என்ற பெண் பிறகு பிரபலமான கவர்ச்சி நடிகை ஆனார்.

வந்துவிடும் மௌன படங்களில் பிரபலமான நாடக நடிகர்கள் வர மறுத்தனர் காரணம் அப்படங்களில் அவர்களால் பாடி பேசி நடிக்க முடியாதே என்பதால். அநியாய பணம் தருகிறோம் என்று ஆசை வார்த்தை சொன்னபோதும் யாருமே நடிக்க வரவில்லை. அதன் இன்னொரு காரணம் காமெரா தங்கள் இளமையை கெடுத்து நோய் கொடுத்து விடும், அதன் வெளிச்சம் தோல் சுருங்கி முதுமை சீக்கிரமே வந்துவிடும் என்றும் நம்பினார்.

1920ல் முதன்முதலாக பம்பாய், சென்னை,கல்கத்தா ரங்கூன் நகரங்களில் சென்சார் அலுவலகங்கள் திறக்கப்பட்டன.

எந்த படத்தில் நடித்தாலும் யாருடன் நடித்தாலும், தன் குரலில் பாடும் ஒரு வாய்ப்பு இருக்கும் என்றால் தான் நடிக்கவே சம்மதிப்பார் எஸ்.வரலட்சுமி. கடைசியாய் நடித்த குணா வரை அந்த கொள்கையை கடை பிடித்தார் எஸ்.வி.

இன்றும் கூட சென்னையின் பழைய ஆட்கள் தற்போதைய தி.நகர் பஸ் ஸ்டாண்டை ராஜகுமாரி என்றே சொல்லி டிக்கெட் எடுப்பார்கள். அந்த இடம் இன்னும் அவர் பெயர் சொல்லும் விதமாகவே இருக்கிறது.(இப்போது அந்த தியேட்டர் இல்லை) சென்னை தியாகராய நகரில் தன் பெயரிலேயே ஒரு தியேட்டரைக் கட்டினார், ராஜகுமாரி. தமிழ் நடிகைகளில் சொந்தமாகத் தியேட்டர் கட்டிய ஒரே நடிகை ராஜகுமாரி தான். இதை ஜெமினி அதிபர் எஸ்.எஸ்.வாசன் திறந்து வைத்தார். அதனாலேயே அந்த இடத்தின் பெயரே ராஜகுமாரி என்றானது. தென்னிந்தியாவின் முதல் கனவுக்கன்னி டி.ஆர். ராஜகுமாரி. இவரின் ஆடலும் பாடலும் அக்காலத்தே பெரும் பரபரப்பையும் கிளுகிளுப்பையும் ஏற்படுத்தியவை. கதாநாயகியாக, பாடகியாக, கவர்ச்சி பாவையாக, வில்லியாக, குணசித்திர நடிகையாக, தயாரிப்பாளராக, என பன்முகம் கொண்ட தங்க பதுமை இவர்.

டி.ஆர். ராஜகுமாரி (மே 5,1922 - செப்டெம்பர் 20, 1999) ராஜாயி என்னும் இயற் பெயரைக் கொண்ட டி. ஆர். ராஜகுமாரி தஞ்சாவூரில் இசை குடும்பத்தில் பிறந்தவர். தாயார் தஞ்சை குஜலாம்பாள் அன்று தஞ்சாவூரில் புகழ்பெற்ற இசை சங்கீத மேதை, பிறந்த சில நாட்களில் தகப்பனாரைப் பறிகொடுத்தவர். சிறுவயது முதலே ஆடல் பாடலில் சிறந்து விளங்கினார். காண்பவர் மயங்கும் அழகை கொண்டவராக சிறு வயதிலேயே காணப்பட்டார்.

நாட்டிய கச்சேரி செய்து வந்த வேளையிலே 1939 ஆம் ஆண்டு டெக்கான் சினிடோனின் குமார குலோத்துங்கன் என்ற படத்தில் கதாநாயகியாக அறிமுகமானார். அதைத் தொடர்ந்து மந்தாரவதி, சூர்யபுத்ரி படங்களில் கதாநாயகியாக நடித்தார். 3 படங்களும் படுதோல்விப் படங்களாயிருந்தும் அவர் கவலை படவில்லை. பின்னர் தொடர்ந்து கே. சுப்பிரமணியத்தின் தயாரிப்பில் வெளிவந்த கச்ச தேவயானி படம் பெரு வெற்றி பெற்றது. அது முதல் இந்திய திரை உலகில் ஒளி வீசும் தாரகை ஆனார். இவர் கச்ச தேவயானி ஆன விதமே சுவாரசியமானது.

தமிழ் திரைப்பட உலகின் தந்தை என்று கே சுப்பிரமணியம் அவர்களை சொல்லலாம். ஊமை படங்கள், பேசும் படங்கள் என இரு கால கட்டங்களில் பணியாற்றிய மேதை. பெரியார் சமூக சீர்திருத்தம் பேசிய காலத்திற்கு முன்பே சினிமாவில் பெரும் புரட்சி பேசிய சினிமா பெரியார் எனலாம். இவர் படங்கள் சுதந்திரம், பெண் விடுதலை, ஆதிக்க ஜாதியினரின் கொடுமைகள், குழந்தை திருமணம் என பல அவலங்களை சாடி 1930-40 களிலேயே படங்கள் எடுத்தவர்.

நிறைய நடிகர், நடிகைகளை அறிமுகப்படுத்தியவர். பாகவதர், எஸ்.டி .சுப்புலட்சுமி, எம்.எஸ்.சுப்புலட்சுமி, டி.ஆர்.ராஜகுமாரி, எம். சரோஜா, பி.சரோஜா, சரோஜாதேவி என ஒரு நீண்ட வரிசையே போடலாம் அவ்வளவு பேரை அறிமுகம் செய்து வைத்து இருக்கிறார். இத்தனை பெரிய சினிமா ஜாம்பவானான கே.சுப்பிரமணியம் தஞ்சை மாவட்டம் பாபநாசத்தில், பிரபல வழக்கறிஞராக இருந்த கிருஷ்ணசுவாமி ஐயருக்குப் மகனாக பிறந்தார். தந்தையைப் போலவே சட்டம் படித்த இவர், கும்பகோணத்தில் வழக்கறிஞராக பணியாற்றினார். பின்னர், திரைப்படத் துறையின் மீதுள்ள ஆசையால் சென்னைக்கு வந்தார்.

தமிழ்த் திரைப்பட முன்னோடி இயக்குனரான ராஜா சாண்டோவிடம் உதவி இயக்குனராக பணியாற்றினார். ராஜா சாண்டோவிடம் இணைந்து பேயும் பெண்ணும் 1930, அநாதைப்பெண் 1930, இராஜேஸ்வரி 1931, உஷாசுந்தரி 1931 ஆகிய ஊமை படங்களில் பணியாற்றினார். பிறகு இராம அழகப்பச் செட்டியாருடன் இணைந்து மீனாட்சி சினிட்டோன் என்ற திரைப்பட நிறுவனத்தை ஆரம்பித்தார். இவர் ஆரம்பித்த ஸ்டுடியோ தான் பின்னர் எஸ்.எஸ்.

வாசன் அவர்களால் வாங்கப்பட்டு ஜெமினி ஸ்டுடியோ என்றானது. பவளக்கொடி என்ற தனது முதலாவது திரைப்படத்தைத் தயாரித்தார். இந்த திரைப்படத்திலேயே தியாகராஜ பாகவதர், எஸ். டி. சுப்புலட்சுமி ஆகியோர் அறிமுகமானார்கள். படம் வரலாறு காணாத வெற்றி. இப்பட கதாநாயகி சுப்புலட்சுமியை பின்னர் கே. சுப்பிரமணியம் ரெண்டாவது மணந்து கொண்டார். கே.சுப்பிரமணியம் அவர்களின் முதல் மனைவி ருக்மிணி அவர்கள். இவர் தனது கணவரின் படங்களுக்கு இசை அமைத்து இருக்கிறார். இவரே இந்திய சினிமாவின் முதல் பெண் இசை அமைப்பாளர்.

அடுத்த பக்கம் தொடரவும்..
ஃபேன்டஸி தாண்டி, மற்றப் படங்களிலும் கூட நகைச்சுவைக்காக இந்த உத்தி தொடர்ந்து பயன்படுத்தப்படுவதைப் பார்த்திருப்பீர்கள். பாடல் நடனங்களிலும் இந்த உத்தி அடிக்கடி பயன்படுத்தப்படுகிறது. ஆனால் எப்போதெல்லாம் இது திரையில் நிகழ்த்தப்படுகிறதோ அப்போதெல்லாம் ஒரு மேஜிக் நிகழ்ச்சியைப் பார்ப்பதைப் போன்ற உணர்வை நாம் அடைகிறோம். உண்மையில் மேஜிக் நிகழ்ச்சிகளில் இருந்துதான் இந்தத் தொழில்நுட்பம் சினிமாவுக்கே வந்தது.

1895யில் பாரீஸ் நகரில் லூமியர் சகோதரர்கள் தாங்கள் எடுத்த உலகின் முதல் திரைப்படத்தைப் பொதுமக்களுக்குத் திரையிட்டபோது, அதில் பார்வையாளராக இருந்த ஒருவர் ஃபிரான்ஸ் நாட்டின் பிரபல தொழில்முறை மேஜிக் நிபுணரான ஜார்ஜஸ் மெலியஸ் (Georges Melies). அவருக்கு சினிமாவின்மேல் கண்டதும் காதல் ஏற்பட்டுவிட்டது. சலனப்பட கேமரா எனும் புதிய கருவியை அவர் ஒரு நவீன மந்திரக்கோலாகத்தான் பார்த்தார்.

அவர் சினிமாவைக் கைப்பிடித்தது ஒரு பெரும் பாய்ச்சலை நிகழ்த்தியது. தந்திரக் காட்சிகளை முதன்முதலில் சினிமாவில் சோதித்துப் பார்த்து, அந்த சோதனை ஓட்டத்திலேயே பல சாதனை வெற்றிகளைப் படைத்தார் ஜார்ஜஸ் மெலியஸ். சினிமா என்பது என்ன என்கிற தெளிவே பிறந்திராத ஆரம்ப காலகட்டத்தில், அவர் எப்படி இத்தனைப் பெரும் புதுமைகளைச் செய்தார் என்கிற வியப்பை வெளிப்படுத்தாத சினிமா வரலாற்றாசிரியர்களே இல்லை. அனைத்து வகை தந்திரக் காட்சிகளுக்கும் (விஷூவல் எஃபெக்ட்) பிதாமகரான அவர்தான் ‘ஸ்டாப் பிளாக்’ நுட்பத்தையும் உருவாக்கினார்.

மேடையில் நிகழ்த்தப்படும் மேஜிக் நிகழ்ச்சிகளில் எக்காலத்திலும் விரும்பப்படுகிற ஒன்று “மறையவைக்கும் தந்திரம்” (DISAPPEARING MAGIC TRICK). மேஜிக் நிபுணர் ஒரு பொருளையோ அல்லது ஒரு ஆளையோ பார்வையாளர்களின் கண்முன்னே மறையச் செய்து மீண்டும் தோற்றுவித்துக் கொண்டுவருவார். இந்த தந்திரம் எவரையும் உடனடியாகக் கவரக்கூடியது என்பது தொழில்முறை மேஜிக் கலைஞரான மெல்லியஸ்க்குத் தெரியும். ஆகவே அந்தத் தந்திரத்தை சினிமாவில் உருவாக்கிக் காட்ட விரும்பி, அவர் கண்டுபிடித்ததுதான் ஸ்டாப் டிரிக் (STOP TRICK) அல்லது ஸ்டாப் பிளாக் உத்தி.

அடுத்த பக்கம் தொடரவும் ...
Directors
தமிழ் திரைப்பட உலகின் தந்தை என்று கே சுப்பிரமணியம் அவர்களை சொல்லலாம். ஊமை படங்கள், பேசும் படங்கள் என இரு கால கட்டங்களில் பணியாற்றிய மேதை. பெரியார் சமூக சீர்திருத்தம் பேசிய காலத்திற்கு முன்பே சினிமாவில் பெரும் புரட்சி பேசிய சினிமா பெரியார் எனலாம். இவர் படங்கள் சுதந்திரம், பெண் விடுதலை, ஆதிக்க ஜாதியினரின் கொடுமைகள், குழந்தை திருமணம் என பல அவலங்களை சாடி 1930-40 களிலேயே படங்கள் எடுத்தவர்.
Producers
இந்திய சினிமா நூறாண்டு காணும் இந்த மகத்தான ஆண்டில் காலத்தால் மறக்கமுடியாத, இந்திய திரையுலக சிற்பிகளை இங்கு நினைவு கூறுகிறோம். இங்கு இப்போது குறிப்பிட போகும் நபர், இந்திய சினிமா உலகில் பெரும் புரட்சிகளை ஏற்படுத்திய இயக்குனர், தயாரிப்பாளர், இவர் மறைந்தாலும் இவர் வழி நின்று இன்னமும் இவரது நிறுவனம் 70 ஆண்டுகள் தாண்டியும் வெற்றி நடை போட்டு வருகிறது. ஆம் A.V.M என்ற நிறுவன பிதாமகரின் சாதனைகளையே இங்கு பட்டியலிடப்போகிறோம். மூன்றெழுத்து சினிமா பிரபலங்களின் முன்னோடி இவர் எனலாம்.
Music Composers
பேசும் படம், பேசா படம் இரண்டு காலகட்டத்திலும் பெரும் புகழ் பெற்ற ஒரே இந்திய சினிமா கலைஞர் ராஜா சாண்டோ அவர்கள் தான். சினிமா ராணி டி.பி. ராஜலட்சுமியுடன் ஜோடி சேர்ந்து ராஜேஸ்வரி படத்தில் நடித்தார். பேசா பட காலத்தில் நந்தனார் உள்ளிட்ட பல படங்களை இயக்கினார். பேசும் பட காலம் தொடங்கிய போது இவர் இயக்கிய முதல் படம் 1932ல் வெளியான பாரிஜாத புஸ்பாஹாரம் என்ற புராண படம். பின்னர் 1933ல் இம்பீரியல் கம்பெனி கோவலன் என்ற சரித்திரப் படத்தை ராஜா சாண்டோவின் இயக்கத்தில் தயாரித்தது. நரசிம்மராவ், கோவலனாக நடித்தார்.
Actors
இந்திய திரையுலகின் முதல் பெண் இயக்குனர், முதல் தயாரிப்பாளர் டி.பி.ராஜலஷ்மி. மௌன படங்கள் தொடங்கி பேசும் படங்கள் வரை 1929 முதல் 1950 வரை இவர் 23 திரைப்படங்களில் நடித்தவர். முதல் பேசும்படமான காளிதாசில் நடித்த கதாநாயகி. சினிமா ராணி என அழைக்கப்பட்டவர். 1936ல் மிஸ். கமலா என்ற திரைப்படத்தை இயக்கி சாதனை புரிந்தவர். கிட்டப்பா, தியாகராஜ பாகவதர் போன்ற பிரபலங்களுடன் நடித்து பெருமை பெற்றவர். 1931ல் குறத்தி பாட்டும் நடனமும் என்ற முதல் குறும்படத்தில் நடித்தவர். ராமாயணம்’ திரைப்படத்தில் சீதையாகவும் சூர்ப்பனகையாகவும் இரு வேடங்களில் நடித்த முதல் நடிகை.

Read More >